Si Glenda Callanta Oris, kilala rin sa tawag na "Bong," ay isang guro sa Paaralan ng Humanidades, Pamantasang Ateneo de Manila. Awtor siya ng dalawang aklat pambata: Looking Out for Heroes at A Reader's Story/Kuwento ng Isang Mambabasa. Si Bong ay miyembro ng Kuwentista ng mga Tsikiting (KUTING) Inc., isang organisasyon ng mga Pilipinong manunulat ng panitikang pambata. Bukod sa pagbasa, pagsulat, at pagsalin ng panitikang pambata, tumutulong din siya sa mga museo at heritage conservation.