Si Jomike ay nagtapos ng kursong arkitektura sa Unibersidad ng Santo Tomas. Siya ang may likha ng comic strip na Mikrokosmos ng Philippine Daily Inquirer at Inkblots ng Manila Times. Naging finalist din siya sa Shell National Student's Art Competition noong 2000 at 2001 at runner-up mula 2001 hanggang 2003 sa PBBY-Alcala Illustrator's Prize. Si Jomike ang ilustrador ng mga aklat na Abot Mo Ba ang Tainga Mo?, Si Juanito Noong Panahon ng mga Amerikano, at Mga Ako. Si Jomike rin ang autor-ilustrador ng librong Si Dindo Pundido, Ang Pambihirang Sombrero, at Dinosaur Pop-Up Activity Book. Kasalukuyan siyang pangulo ng Ang Ilustrador ng Kabataan (Ang InK).