Si Russell ay gumagawa ng mga patalastas sa telebisyon at radyo.  Mahilig din siyang magsulat, magdrowing, at kumatha ng mga kuwentong pambata.  Nagwagi siya ng 2002 PBBY Illustrators' Prize sa kuwentong Uuwi na ang Nanay Kong si Darna.  Ang kaniyang istoryang Lumang Kumot ni Lola ay nabigyan rin ng natatanging parangal sa 1998 PBBY Salanga Writers' Prize.  

Siya  rin ang nagsulat ng Madyik Silya ni Titoy, Ako si Kaliwa, Ako si Kanan,Sandosenang Kuya, Sampu Pataas, Sampu Pababa, at Lola Puti, na handog niya sa alaala ng kaniyang mga lola: sina Lola Sofronia at Lola Irene.